ज्याक्सन हाइटसको चोकमा

ज्याक्सन हाइटसको चोकमा
हरबखत छरिएको हुन्छ,
मिठो बासना,
बासमती चामलको र
पिरो स्वाद,
चिकेन टिक्का मसलाको,
ज्याक्सन हाइट्स चोकमा!
नजिकैको भिडियो पसलमा घन्की रहेको,
“शिलाकी जवानी” सुन्दै,
मिठा पान चुस्दै
कुरी रहन्छन बाटो,
मसला चिया खान भेटौं भन्नेहरु|
ज्याक्सन हाइट्स चोकमा !
चिने चिने जस्तो लाग्ने,
अपरिचितहरु,
सिसामा सजिएका,
गोल्डेन गहनाहरु,
ढल्की ढल्की नियाल्दै,
औला भाच्दै,
नजिकैको मनि ट्रान्सफरमा,
डलर घटबडको सुस्केरा सुसेल्छन,
ज्याक्सन हाइट्स चोकमा!
क्रमस:
सडक किनारमा,
अगर बत्तिको राग संगै
“सलाम मालिकम” भन्दै
धार्मिक ग्रन्थ बेच्नेहरु,
“नमस्ते” भन्दै देबी देवताका मुर्तिहरु र
पूजा अर्चनाका सरसामान किन्दे नि हुन्थ्यो
भन्दै अप्ठेरो हासो हास्नेहरु ,
र कुनामा नेपालको झन्डा,
हिमालको तस्बिर ,बुद्धको मुर्ति
र बारम्बार कपि गरेका
गीत संगीतका पुराना सिडीहरु,
किनबेच गर्नेहरु बीच
म पनि मिसिन्छु,
“मिक्स भेजिटेबलस सलाद” जसरी,
ज्याक्सन हाइट्स चोकमा|
२४ सै घण्टा चल्ने ट्रेनको कर्कस आवाज,
र अँध्यारो कुनामा,
“ओला कोमोएस्ता!
चिकीता! चिकीता !!
मुचो बयूतिफुल चिप चिप” भन्दै
काने खुसि गर्दै एक अमिगो
मेरो बाटोमा तगारो बन्छ,
आश लाग्दो अनुहार लिएर,
बगली छाम्छु,
२० डलरको नोट बाहिर निस्किन्छ,
घुटुक्क थुक निल्छ अमिगो,
म २० मिनेटको बासना र
२० छाक बासमती चामलको बिचमा
अल्मलिन्छु ज्याक्सन हाइट्स चोकमा,
र,
पान परागका रंगले रंगिएका टाटे पांग्रे र
पिरो ज्याक्सन हाइट्स चोकबाट
गहिरो टनेल भित्र छिर्छु एकै छिन ,
मधुर उजेलोको आशामा!
ज्याक्सन हाइट्स चोकमा!
************************
सहदेव पौडेल
न्यु योर्क

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s