एकलासे बाटो काट्दा

एकलासे बाटो काट्दा..
काढे तारमा अल्झेको छु..
नदेखेर ढुंगा मुढा बाटो बिचमा ठोक्केको छु..
हराएर धेरै पटक गन्तब्यनै भुलेको छु..
हात समाउने कोहि थे’ न
लर्बराएर लडेको छु..
एकलासे बाटो काट्दा ….
**
फुङ्ग उडेको धुलो मैलो भोगेको छु
साघुरा गल्लीहरुमा नमज्जाले च्याप्पेको छु
बर्बराएर तारा जुनलाई एकसुरले हेरेको छु
हात समाउने कोहि थे’न
लर्बराएर लडेको छु!
एकलासे बाटो काट्दा.
**
अनगिन्ती जंघारहरू तरेको छु..
मृगतृष्णाको भुमरीमा कत्ति पटक परेको छु
सम्हालेर आफुलाई “जीन्दगी हो” भनेको छु..
हात समाउने कोहि थे’न
लर्बराएर लडेको छु…
एकलासे बाटो काट्दा
**
घनघोर आधि हुरी संग जुधेको छु…
मुशलधारे बर्शाद्लाई हत्केलाले छेकेको छु..
जोगाएर आफुलाई एम्बुशहरु निष्क्रिय पारेको छु.
हात समाउने कोहि थे’न
लर्बराएर लडेको छु…
एकलासे बाटो काट्दा
**
लड्दै पड्दै जिन्दगीको क ख ग घ सिकेको छु..
अब त् …आफ्नो लागि भन्दा पनि तिम्रै लागि बाचेको छु..
संगालेर जिन्दगीको बाकी गीत तिम्रै लागि रचेको छु
हात समाउने कोहि थे’न अब तिम्रो साथ भेटेको छू
**
सहदेव पौडेल
न्यु योर्क
डिसेम्बर ३

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s