स्स्स्सस्ससस्स….. चुप चुप चुप!
बिस्तारै बोल्नुस,
कोही आगो सरि दन्केका छन्,
कोही बाढी सरि उर्लेका छन्,
जलाउने र बगाउनेको जुलुस,
खहरे सरि सहर तिर पसेको छ,
खरानी बनाउलान आवाजहरु!!
स्स्स्सस्स्स्स ……
जे पायो त्यै नलेख्नुस!
अक्षर जान्नेहरू अनर्थ लाउन सक्छन्,
शब्दहरूले मात्रै पनि मान हानि गर्न सक्छ,
र उल्लुहरु जुर्मुराउन सक्छन् ,
झम्टेलान कलम समाउने हातहरु !
स्स्स्सस्स्सस्स…..
कान थुनेर हिड्नुस
गोप्य वार्ता सुनिएला!
न्याय निशाप पपेट शो जसरि भव्य प्रदर्शन भै’रहेको छ ,
मुकुण्डो लगाएर नाचीरहेछन प्रजातन्रका बादरहरु,
आँखा बन्द गरेर हिड्नुस!
सीमा पारिबाट आएर सिहदरबारको तारमा बसेका कागहरु चिन्नुहोला,
र
फुटाई देलान आँखा ,
छरी देलान आँखामा शान्तिका एसिडहरु ,
भाची देलान हात खुट्टा
त्यस्तै परे घोषणा गरिदेलान
सहिद भनेर!
स्स्स्स्स्सस्स्स ……
ताली नपिट्नुस लोक तन्त्र आ’को छ!
——————————–