Tag Archives: Poetry

साबधान

साबधान

सडक चोकमा होस्

या चिया पसलमा,

च्याप्प समात्न सक्छन्,

चिने जाने झैँ

बारम्बार फोन गर्न सक्छन्,

आफ्नै सम्झेर

डोर बेल ङ्रिङ्ग ङ्रिङग बजाउन सक्छन्,

त्यस्तै परे झ्याल ढोका ठटाउन पनि सक्छन्

जब सम्म जालमा पार्न सक्दैनन्

तबसम्म अट्याक् गरी रहन सक्छन्!
सपनाको डोली उचाली,

डरहरुको खाता बोकेर,

सुटकेश भित्र बल्छि रुपी कागजात बोकेर ,

सुटेट बुटेट लामा लामा जिब्रा भएका शेष नाग झैँ

तपाँईको मेहनत पसिनाले जोगाएको दुई चार सयमा आँखा गाड्ने छन् ,

सुनाउने छन् मिठा मिठा सपनाका कुराहरू

र बिस्तारै देखाउनेछन् तपाईँको डरलाग्दो भविष्य,

जस्तो कि…..
“तपाँई बिती हाल्नु भो भने परिवारको बिचल्ली हुन्छ,

सडकमा जान्छन्….दुख पाउछन्,

क्रोनिक रोग लाग्न सक्छ,

बिरामी परिएला,

यस्तो बेलामा कसले गर्छ ख्याल ?

खै तपाईँको बचत?

भविष्यको लागि जोहो गर्नुहोस,

हामी तपाईँको भविष्य सुरक्षित बनाउने छौँ
बरु,

बरु तपाईँ पनि हाम्रै बिजनेसमा आउनुहोस
छोडिदिनुस त्यस्ता काम,

१०/१२ घण्टा किन खट्ने

बसी बसी गनौला दाम,

ग्रोसरी स्टोर , रेस्टुरेन्ट

बिउटी सलुनमा किन खोज्नु ज्याला,

फ़ाइन्नन्सियल फ्रीडम रोज्नुस,

फाईनान्सियल फ्रिडम!


ठुला ठुला होट्लमा जाऔंला,

भ्याकेसन मनाऔंला,

लौ हेर्नुस त मेरो हप्ता भरीको तलब

तपाईँले वर्ष भरि कमाउनु भएको भन्दा धेरै छ ,

किन गर्नु हुन्छ काम ?

आउनुहोस मिलेर कमाऔ

सपना बेचौं सपना

डर त्रास बेचौं
आsss छोडिदिनुस नैतिकताका प्रश्नहरू

पहिले आफ्नो आर्थिक क्रान्ति गरौँ।

यस्तै अनेक अनेक इमोसनल ब्याल्कमेल गर्दै

चाट्ने छन् तपाईँको रगत पसिना,

र अन्त्यमा माग्नेछन् औंठा छाँप!

तपाँईको भविष्यको यस्ता चिन्तक,

अर्थशास्त्रको ज्योतिषी झैँ ,

सुनाउने छन् सुनौला सुनकेस्राका कथाहरू,

र सुताउने छन् आफ्नै फाइदाको ओच्छ्यानमा!
एवं रितले एजेन्ट जी आज्ञा गर्दै जानुहुने छ,

तसर्थ,

हे अज्ञानी हो!

जीवन बिमाको रसमलाईले सारालाई भुलाई

ती नन्दी भृन्गीहरुले आफ्नो स्वार्थ अनुसार

लगाउने छन् जीवन बिमाको ईन्सुलिन,

र तपाईँ बाँचुन्जेल भन्नुहुने छ ऐय्या ऎय्या!!

****

जीवन बिमा सम्बन्धि जनचेतना बढाउने उदेश्यले लेखिएको कविता “साबधान”
कविता/स्वर/भिडियो:सहदेव पौडेल
संगीत: चेरीयोट अफ फायर

 

Advertisements

यो जिन्दगी

यो जिन्दगी

जिन्दगी फोटो कपी गर्न मिल्ने भए,
ओर्जिनल उता पठाएर डुप्लीकेट यता कतै भुलाई राख्थें,

जिन्दगी कपी पेस्ट गर्न मिल्ने भए,
लाखौँ प्रति जिन्दगी प्रिती छर्न पठाई दिन्थें,

जिन्दगी सिफ्ट थिचेर,
ईन्टर गरेर वा केहि स्पेस दिएर
अर्कै बनाउन मिल्ने भए,
हरदिन कुनै म्याजिक गरी बस्थें!

वा

एडिट गरेर युटोपियन बनाउथें,

जिन्दगी सेभ गर्न मिल्ने भए,
कुनै नौलो ग्रहमा सेभ एज वा
क्रियट एक नयाँ मानवीय जिन्दगी बनाउथें!

जिन्दगी डिलिट गर्न मिल्ने भए,
सिम्पली डिलिट गरि दिन्थें,
…………………………
साथी संगी र परिवारको ईमोजी ईमोसन हेर्थे,
धेरै नै रोईकराई गरेछन भने अन डु गराईदिन्थे,
तुरुन्तै भुलेर रिफ्रेस गर्न लागेछन् भने,
जिन्दगी डिलिट परमानेट्ली गर्दै-
यो समाज जस्तै रिसाईकल बिन- ईम्प्टी गराईदिन्थें!

यो जिन्दगीलाई ……

सहदेवको “यो जिन्दगी” 🎭

कविता :विश्व कविता दिवसको सन्दर्भमा

++
कन्चन पानी जस्तै,
जस्तो रङ्ग राख्यो उस्तै बन्ने,
कुनै अमुर्त चित्र जस्तै ।

रक्सीको नशामा डुब्दै,
वा चुरोटको धुवामा उड्दै,
चिया चौतारीमा बस्दै,
वा पाखा पखेरुमा डुल्दै लेखिने
एउटा कथा जस्तै ।

जीवनको गीत,
देश वा परदेशको प्रीत,
जसरि व्यक्त गरे पनि हुने,
शब्दको कुनै परिधि भित्र बसेर
छन्द लेखे पनि हुने,
वा स्वछन्द लेखे पनि हुने,
यस्ता अनेक अनेक शब्दहरूले बनेको
एउटा पहाडको नाम हो कविता!

###
सहदेव पौडेल
न्यु योर्क

(विश्व कविता दिवसको सन्दर्भमा)
World Poetry Day is on March 21
Saha

यो वर्ष पनि

 

यो वर्ष पनि,
बिदा मनाउन घर हिडेकाहरु घर पुगेनन्,
स्कुल गएकाहरु फर्केनन्,
परदेशिएकाहरु फिरेनन्​!​

यो बर्ष पनि,
देशको अशान्ति बाट टाढिएर
अप्ठेरो बाटो हुँदै,
सपनाको फेरी चढेर,
खुल्ला आकाशको खोजीमा हिडेकाहरु,
सागर बिचमै डुबे।
किनारामा पुग्न नपाउदै,
धेरैको जहाज़ डुब्यो।

यो बर्ष पनि,
देश हरायो,
परिवेश हरायो,
बम, बारुद,र गोलीको
भुङ्ग्रोमा सर्वस्व खरानी भयो।
बलात्कार र हिंसाका रगत
यो वर्ष पनि लत्पतियो,
रङ्ग, जात, र धर्मको​ रगत
यो वर्ष पनि ​पोतियो,
​अनेक अनेक शिर्षकहरुमा
यो वर्ष पनि थुप्रै हामीहरू बेअर्थ
मरी रह्यौं..मरी रह्यौं..
****

सहदेव पौडेल
न्युयोर्क
डिसेम्बर २९,२०१४

 

 

/home/wpcom/public_html/wp-content/blogs.dir/a17/11876352/files/2014/12/img_5680.jpg

चार थोपाहरु

चार थोपाहरु

म जल्दै थिएँ नदी किनारामा,
हतार भै’सक्यो यार भन्दै
उनीहरू लागे क्याफे तिर!
॰॰॰
एक हुल साथीहरू,
बाढी जसरी भित्र छिरे!
धिप धिप बल्दै थिएँ,
झ्यापै पारि दिए!
॰॰॰
बहस जारी थियो,
यो सरासर गलत हो भन्दै,
विद्वान मित्रहरुले,
एक बिगाह झुटको खेती गरे!
॰॰॰

मित्रसँग सुख-दुख साट्न,
के छ खबर भन्दै फोन गरेँ!
शंकालु स्वरमा उ भन्छ,
केही काम पो थ्यो’कि!
॰॰॰

सहदेव पौडेल
न्युयोर्क
डिसेम्बर,३ . ०१४
Photo By Sahadevision

sa

मेरो जिन्दगीको कथा

मेरो जिन्दगीको कथा

मेरो जिन्दगीको कथा बेचौं भन्छ एउटा लेखक,
नाफा आधा आधा नाम आफ्नै लेखौं भन्छ एउटा लेखक ।

फोटो कविता: एटलान्टिकको चरा

birdsफोटो कविता: एटलान्टिकको चरा,
कुन देशबाट आयो होला?

भिसा लिई,
एक दुई दिनमै आयो कि,
डुङ्गा चढी महिनौं दिनमा आयो?
वा कतै डिभी पो पर्‍यो कि!
एक दुई लाख खर्चयो कि,
वा गुँड नै धितो पो राख्यो ?
कतै उता ऋणको घाउ चर्की पो रा’ छ कि,
वा सहर तिर पक्कि घर चम्की पो रा’ छ कि ?
सपनाको आकाश पच्छाउदा,
सपनाकै जालो भित्र बन्धकी पो भयो कि?

कस्तो होला दैनिकी कठै ?
कस्तो होला व्यथा ?
कोही होला त सुनिदिने … ?
तारा जस्तै छरपस्ट परिवार
कसले …. कहिले होला त बुनिदिने ?

दैलोको बादल अझै मडारीदै पो छ कि!
सम्झनाको इन्द्रेणी पुल कतै बिलिनै पो भो’ कि !
मुखा भरि आहारा बोकी एकदिन फिर्ला त घरदेश,
कि बरा ,अस्ताउला घाम जसरि?

एटलान्टिकको चरा !
कुन देश बाट आयो होला?
***********
एटलान्टिकको चरा
सहदेव पौडेल
न्यु योर्क

गाईजात्रा बिशेष: न्यु योर्कमा छौं त के भो र!

गाईजात्रा बिशेष: न्यु योर्कमा छौं त के भो र!

न्यु योर्कमा छौं त के भो र!
पान खाएर सडक सडकमा प्याच्च थुक्न जानेकै छौं ,
राष्ट्रिय गानलाई टेलिफोनको रिंग टन बनाएर राष्ट्रियता देखाएकै छौं
एकअर्कालाई जातियताको आधारमा फेसबुक मार्फत पछारेकै छौं
न्यु योर्कमा छौं त के भो र!

अरुलाई भलो हुने गर्नु केहि छैन आफुलाई समाजसेबी ठानेकै छौं,
ताई न तुईको लेख्नु छ आफुलाई साहित्यकार ठानेकै छौं..अझै बरिस्ठ!
दर्जनौ संघ संस्था खोलेर आफुलाई झनै अदक्ष बनाएकै छौं ..अझै बरिस्ठ!
न्यु योर्कमा छौ त के भो र!

आफ्नो नाक कोटयाउदै अर्कोले के खायो भनेर सुँघेर हिडेकै छौं
ज्याक्सन हाइट्समा बसेर नेपाली राजनीतिको गफ दिएकै छौं
आफुले गर्नु केहि छैन देश खत्तम भो भन्दै नेतालाई गाली गरेकै छौं
अनि न्यु योर्कको मेयर को हो भनेर सोध्यो .ट्वा परेर हेरेकै छौं ..
न्यु योर्कमै छौं त के भो र!

By Sahadev Poudel
New York City


Photo Courtesy:http://guffadi.blogspot.com

Yuyutsu Sharma on KONK Radio Key West

Click here to listen  Yuyutsu Sharma on ArtWaves with Michael Shields on KONK Radio 

“Recipient of fellowships and grants from The Rockefeller Foundation, Ireland Literature Exchange, Trubar Foundation, Slovenia, The Institute for the Translation of Hebrew Literature and The Foundation for the Production and Translation of Dutch Literature, Yuyutsu RD Sharma is a distinguished poet and translator.”

Currently Yuyutsu Sharma  is in the USA and traveling in the different cities with his works.The interview was broadcasted on KONK Radio (KONK Broadcasting Network – community radio and newspaper for Key West and the Florida Keys http://www.konknet.com) during his recent Florida tour.
I am sharing his interview for all poetry lovers!
Happy Listening!

My Weekend (March 23-25) Photos and Video cast

My Weekend (March 23-25) Photos and Video cast

On Friday March 23

I went Union Square to experience the urban lifestyle of NYC. Union Square is one of my favorite hangout places in the city, which is diverse and moving place too. There was Occupy Wall Street protest going on. So I spend some time roaming around the park and took some pictures, spoke with protesters and capture their activities. Interestingly, some protesters were meditating in front of the Hindu Goddess statues, they light the incense and play bell and Sankha,(Sankha, is a conch shell of ritual and religious importance in Hinduism and Buddhism. It is the shell of a large predatory sea snail -From Wikipedia)

Here is some video conversation and the photo of the event.

Then, later in the evening I went to reading at New York University.I had an opportunity to participate in ‘Poem as World/World as Poem’Reading at New York University. Pulitzer Prize winner Natasha Trethewey and distinguised poet Yuyutsu RD Sharma read their fresh work at the event.

This slideshow requires JavaScript.

Natasha Trethewey’s fourth collection of poetry, “Thrall,” is forthcoming from Houghton Mifflin Harcourt in Fall 2012. andYuyutsu Ram Dass Sharma is the author of many books, including “Nepal Trilogy” (Epsilonmedia, Karlsruhe, Germany, 2011) and “Milarepa’s Bones, Helambu” (Nirala Publication)

Please watch or listen some poems of the events.

Saturday, March 24th

I went to see the concert of Tom Wopat, at Queens Theatre, Flushing Meadows Park. I simply loved Tom Wopat country and soothing music. He was awesome.

I got a complementary ticket for the show from Queens Theatre. So I want to Thank Queens Theatre for their generosity.

I hope you had also fruitful time too.

Hope to share and see you next weekend.

Thank you,

Sahadev

New York City